Patarinos

Zeltia ten xa corenta anos e non chega a fin de mes, o seu mozo deixouna, non sente desexo, envellece sen fillos e comparte piso con amigas en Barcelona desde que emigrou hai 20 anos. En Galicia, a saúde da súa nai Socorro empeora, demanda atención, pero Socorro é unha muller moi conservadora e Zeltia non sabe como vincularse. Para reconciliarse, busca en Galicia ao seu admirado tío Antonio, un artesán téxtil gai que faleceu de sida no ano 92, e filma as visitas á súa nai Socorro. Entre coidados e rodaxes, nai e filla reconcílianse antes da inesperada morte de Socorro.